Baščaršija, Sarajevo
باشجارشيا تعتبر من أهم معالم ساراييفو ويعود تاريخها إلى القرن الخامس عشر، فيها بازار قديم والعديد من المباني التاريخيه ولذا تعتبر مركز تاريخي وثقافي لساراييفو.
أول شي لفت نظري هو ماي السبيل الخشبي Sebilj
يقولون إن اللي يشرب منه لازم يرجع 😉
Sebilj Brunnen
وهذي ساحة الحمام اللي يمه…
لما يطلع لكم هالمبنى اللي عليه 6 قباب ضروري تدخلونه، هو عباره عن متحف صغير Brusa Bezistan وسعر التذكره هو 3KM.
Brusa Bezistan
ممنوع التصوير للأسف بس المتحف فيه كم لا باس فيه من التحف والملابس والمقتنيات قديمه، وفي وسطه مجسم كبير للباشجارشيا.
Bursa Bezistan entrance
طلعنا منه وتسوقنا شوي، المحلات كثيره وكل سكه ندخلها نشوف فيها محلات ومقاهي ومطاعم…
لفت نظري إن أغلب المحلات تبيع شغلات مصنوعه من مخلفات الحرب، مثل الأقلام والميداليات اللي بالصوره.
شوقنا الآيس كريم مالهم وشرينا منه، لذيذ!
سألت عن السوق المسقف ودلوني عليه، واسمه Gazi Husrev Begov Bezintan
Gazi Husrev Begov Bezintan
طلع وايد صغير، بطول الممر اللي بالصوره تقريبا وما فيه شي يسوى…
Gazi Husrev Begov Bezintan
صار وقت الصلاة ودخلنا مسجد Ghazi Husrev-beg
Ghazi Husrev-beg Mosque
المسجد تم بناءه من قبل العثمانيين وهو معلم إسلامي مهم في المنطقه…
Ghazi Husrev-beg Mosque
لفت نظري أرقام الساعه العربيه فأخذت لقطه أقرب لها…
Ghazi Husrev-beg Mosque
وهذا مكان الوضوء في ساحة المسجد…
Ghazi Husrev-beg Mosque
Ghazi Husrev-beg Mosque
استغربت وجود مكتبه داخل المسجد، ينباع فيها تسجيلات وكتب إسلاميه ومسابيع وغيره…
Ghazi Husrev-beg Mosque
باب المسجد كان مسكر بس في أماكن مفصوله بره للصلاة…
Ghazi Husrev-beg Mosque
Ghazi Husrev-beg Mosque
Ghazi Husrev-beg Mosque
وآخر شي رحنا مكان الشعله الخالده أو Vječna Vatra
Vječna Vatra (Eternal Flame)
Vječna Vatra (Eternal Flame)
وهي نصب تذكاري لضحايا الحرب العالمية الثانيه في ساراييفو.
Vječna Vatra (Eternal Flame)
وهذي صور أخيره حق شياب يلعبون شطرنج على الأرض! شكلهم يونس كانوا حيل مندمجين باللعب و لهم جمهور بعد 🙂
الصراحه استمتعت وايد بالمكان وبكل شي شفته بس شوي كان حر الظهر لأن السوق مكشوف، أتوقع بعز الصيف راح يكون وايد حر!
انشاءالله أرجع لهذا المكان مره ثانيه إن الله كتب 🙂
وهذا رابط من مدونة AmaTraveler للمزيد عن باشجارشيا
rw3a el mokan bil9aif ghair mashallah !! ya 7lo el khethrah ! 3laich eb alf 3afia 🙂
allah e3afeech sweets 😀 ham beleshta 7elwa be9warrech mashallah shakel el mokan ghair! watwaqa3 a7la el teseweg ba3ad leana e7na ma teda3asna wayed weseba el shams :/