- Red Velvet Brownies by Fetha
بعد ما احتفلنا بعيد ميلاد رفيجتي هالأسبوع، حبيت أجرب طريقه Red Velvet Brownies وأهديها الطريقه لأنها تحب Red Velvet Cake … وأكيد أنا راح أذوقها بعد! 🙂
المقــاديــــر
½2 كوب طحيـــن
1 زبده
2 كوب سكــّر
¾ كوب توت مجفف من Dean & Deluca
½ كوب صلصة فراوله من Carrefour
Dried Cranberries from Dean & Deluca
½ ملعقة شاي فانيلا
أول شي خلطت البيض مع الزبده والشكر بخلاط اليد الكهربائي لما تذوب الزبده، بعدين حطيت عليهم الكاكاو البودره والفانيلا وصلصه الفراوله وخلطتهم…
هالمره ما قطعت التوت خليته نفس حجمه بس لو كنت مقطعته صغار راح يكون أحسن.
و بعدها ضفت التوت والصبغه وخلطتهم، وآخر شي ضفت لهم الطحين…
واااو لون الصبغه عجييب!
حطيت الخليط في قالب Silicone ودخلته الفرن ربع ساعه أو أقل شوي لأنهم صغار وما يتحملون أكثر من هالوقت…
بعد ما طلعته من الفرن نطرته يبرد شوي…
بعدين زينته بالنوتيلا وحبات الكاكاو الأبيض وورق النعناع عشان يعطيه لون و شكل حلو.
Red Velvet Brownies
رأيي: عجبني بس التوت حامض شوي، اللي ما يحبه يقدر يبدله بفاكهه ثانيه مجففه أو نوع من المكسرات.
وبالعافيه! 🙂
